Saludsod

◼ Kasano ti rumbeng a panagkawkawes ken panaglanglangatayo no sumarungkartayo kadagiti pagtaengan a Bethel ken dagiti pasilidad ti sanga?

No sumarungkartayo iti pagtaengan a Bethel, rantatay man a pasiaren ti pasilidad wenno bisitaen dagiti kameng ti pamilia ti Bethel, ‘ti panagkawkawes, panagbubuok ken kababalintayo ket kas koma iti manamnama kadatayo no tumabtabunotayo kadagiti gimong a maipaay iti panagdayaw idiay Kingdom Hall.’ (om 131) Nupay kasta, adda dagiti kakabsat a kasual unay ti panagkawkawesda no sumarungkarda kadagiti sanga nga opisina. Saan a maitutop dayta no sumarungkartayo kadagitoy a pasilidad. Mapagulidanan, naurnos, ken naemma koma ti panaglanglangatayo, a mangyanninaw iti kinatakneng ken dignidad a maiparbeng kadagiti adipen ni Jehova a Dios.—1 Tim. 2:9, 10.

Nangnangruna a napateg daytoy no sumarungkartayo iti pagtaengan a Bethel ken kadagiti pasilidad ti sanga agsipud ta adu dagiti saan a Saksi nga agpalpaliiw kadatayo. Mabalin a ti mapaliiwda ti pangibatayanda iti opinionda maipapan iti ili ti Dios ken ti organisasionna. Maikanatad a kasarita dagiti iyad-adalan iti Biblia ken dadduma pay tapno palagipan ida maipapan iti kinapateg ti umiso a panagkawkawes ken panaglanglanga no sumarungkarda iti Bethel. Maragsakan ti pamilia ti Bethel no aramidenyo daytoy.

Kas Kristiano a ministro, masapul nga annadantayo a di koma makaitibkol ti panaglanglangatayo. (2 Cor. 6:3, 4) Imbes ketdi, babaen ti umiso a panaglanglangatayo, kanayon koma a ‘maarkosantayo ti sursuro ti Manangisalakantayo, ti Dios, iti amin a bambanag.’​—Tito 2:10.