No Ania ti Ibagayo Maipapan Kadagiti Magasin

Ti Pagwanawanan Hunio 15

“Iti panagkunayo, agpatingganto kadi dagiti parikut a kas kadagitoy? [Basaenyo ti naadaw a sasao iti pangrugian ti umuna nga artikulo, ket palubosanyo a sumungbat.] Ipanamnama kadatayo ti naipaltiing a Sao ti Dios nga asidegen nga agpatingga dagita a parikut. [Basaenyo ti Salmo 72:12-14.] Ilawlawag daytoy a ruar Ti Pagwanawanan no kasano a mapasamak daytoy.”

Agriingkayo! Hunio 22

“Iti panagkunayo, matagiragsakto kadi dagiti amin a tattao ditoy daga ti pudpudno a wayawaya? [Palubosanyo a sumungbat.] Imutektekanyo daytoy nagimnas a kari ti Dios. [Basaenyo ti Roma 8:21.] Tapno matungpal dayta a kari, saan kadi a masapul nga agpatingga ti amin a kita ti panangadipen? Ipakita daytoy a ruar ti Agriingkayo! no kasano a mapasamak dayta.”

Ti Pagwanawanan Hulio 1

“Minilion a tattao ti agus-usar kadagiti imahen wenno ladawan iti panagdayawda, ngem minilion met dagiti agkuna a di umiso dayta. Ania ngata ti panangmatmat ti Dios iti dayta? [Palubosanyo a sumungbat. Kalpasanna, basaenyo ti Juan 4:24.] Ipakita dagitoy nga artikulo no kasano a nangrugi ti panagusar kadagiti ladawan ken no ania ti kuna ti Biblia maipapan iti panagrukbab iti imahen.”

Agriingkayo! Hulio 8

“Impadto ti Biblia a dumteng dagiti narigat a tiempo kadagiti maudi nga al-aldaw. [Basaenyo ti 2 Timoteo 3:1, 3.] Iti intero a lubong, ti panagadu ti krimen ti mangpaneknek iti daytoy. Sigurado a nakarkaro ti kasasaad no awan dagiti polis! Salaysayen daytoy a ruar ti Agriingkayo! dagiti karit a sangsanguen dagiti polis iti intero a lubong.”