Dagiti Singasing a Presentasion Para iti Umadanika ken Jehova

◼ Bayat a nakaiggemkayo iti Biblia, kunaenyo: “Adu a tattao a mamati iti Dios ti agtarigagay nga agbalin a nasingsinged kenkuana. Ammoyo kadi nga aw-awisennatayo ti Dios nga umadani kenkuana? [Basaenyo ti Santiago 4:8.] Nairanta daytoy a publikasion a tumulong kadagiti tattao a mangusar iti mismo a Bibliada tapno agbalinda a nasinged iti Dios.” Basaenyo ti parapo 1 iti panid 16.

◼ Bayat a nakaiggemkayo iti Biblia, kunaenyo: “Gapu iti pangta ti terorismo, adu ti mangpampanunot no dumtengto pay ngata ti tiempo a natalgeddanto manen. Imutektekanyo daytoy a makaliwliwa a kapanunotan. [Basaenyo ti Salmo 46:1, 2.] Nairanta daytoy a publikasion a tumulong kadagiti tattao a mangpatanor iti panagtalekda iti Dios.” Basaenyo ti parapo 4 iti panid 68 ken ti umuna a sentensia ti parapo 5.

◼ Bayat a nakaiggemkayo iti Biblia, kunaenyo: “Agraraira ita ti kinaawan hustisia, kas nadeskribir ditoy. [Basaenyo ti Eclesiastes 8:9b.] Adu ti mangpampanunot no maseknan ngata ti Dios. [Basaenyo ti umuna a dua a sentensia ti parapo 4 iti panid 119.] Ilawlawag daytoy a kapitulo no apay a temporario nga impalubos ti Dios ti kinaawan hustisia.”