No Ania ti Ibagayo Maipapan Kadagiti Magasin

Ti Pagwanawanan Hun. 15

“Adda dagiti agkuna a ni Jesus ti katan-okan a tao iti historia. Pagduaduaan dagiti dadduma no pudno met laeng a nagbiag ditoy daga. Iti panagkunayo, napateg kadi no ania ti patpatientayo maipapan kenkuana? [Kalpasan a sumungbat, basaenyo ti Aramid 4:12.] Ania ti pammaneknek a pudno a nagbiag ni Jesus ditoy daga? Usigen daytoy a magasin dayta a saludsod.”

Agriingkayo! Hun. 22

“Adu a tattao ti maseknan iti aglawlaw. Iti panagkunayo, masaluadan pay ngata dagiti napuskol a kabakiran ditoy lubong? [Palubosanyo a sumungbat.] Ilawlawag daytoy a magasin dagiti maar-aramid ita a panangikagumaan a mangsalbar kadagiti napuskol a kabakiran. Ilawlawagna met no kasanonto a matungpal daytoy nagsayaat a kari ti Dios.” Basaenyo ti Isaias 11:9.

Ti Pagwanawanan Hul. 1

“Nainkasigudan a kasapulan dagiti tattao ti agayat ken paayat. [Basaenyo ti kuna ti kapsion iti panid 4.] Ngem mapalpaliiwyo kadi a dagiti dadduma a banag ti ipangpangruna dagiti tattao kadagitoy a tiempo? [Palubosanyo a sumungbat.] Ilawlawag daytoy a magasin no ania ti napaypayso nga ayat ken no kasano a mapatanor dayta.” Basaenyo ti 1 Corinto 13:2.

Agriingkayo! Hul. 8

“Adu dagiti madanagan iti panagraira ti minamaag a kinaranggas. [Mangdakamat iti pagaammo a lokal nga ehemplo, ken palubosanyo a sumungbat.] Sukimaten daytoy a magasin ti dadduma kadagiti pakaigapuan ti naranggas a krimen. Ilawlawagna met no kasanonto a mamimpinsan a pukawen ti Dios ti krimen ken kinaranggas.” Basaenyo ti Salmo 37:10, 11.