No Ania ti Ibagayo Maipapan Kadagiti Magasin

Ti Pagwanawanan Set. 15

“Marikna ti dadduma iti kaaldawantayo a nagtungpalda iti awanan iti ayat a panagasawa. Sadino ti mabalin a pagpatulongan dagiti kasta a tattao? [Palubosanyo a sumungbat.] Ipanamnama kadatayo ti Biblia a matulongannatayo dagiti prinsipio ti Dios. [Basaenyo ti Isaias 48:17, 18.] Daytoy a ruar Ti Pagwanawanan usigenna dagiti prinsipio ti Biblia a mangpatibker iti panagasawa.”

Agriingkayo! Set. 22

“Pagsidsiddaawantayo ti abilidad dagiti animal a makikomunikar. Ngem ammoyo kadi nga adda dagiti naisangsangayan a nakaidumaan ti tao? [Palubosanyo a sumungbat. Kalpasanna, basaenyo ti Salmo 65:2.] Saan a kas kadagiti animal, tarigagayantayo ti makikomunikar iti Dios. Ilawlawag daytoy a magasin no kasanotayo a matagiragsak ti nasayaat a komunikasion kadagiti tattao ken iti Dios.”

Ti Pagwanawanan Okt. 1

“Naisaludsodyo kadin, ‘No ti Dios ket naayat ken mannakabalin-amin, apay a saan a bumallaet maipaay kadagiti agsagsagaba?’ [Palubosanyo a sumungbat.] Din agbayag, pagpatinggaennanto amin a parikut. [Basaenyo ti Isaias 65:17.] Kabayatanna, ti Dios saan a basta agpalpaliiw laeng bayat nga agsagsagabatayo, kas ipakita daytoy a magasin.”

Agriingkayo! Okt. 8

“Ammoyo kadin nga adu a mannalon ti marigrigatan nga agtalon para iti pagbiagda? [Palubosanyo a sumungbat.] Daytoy a ruar ti Agriingkayo! salaysayenna daytoy a parikut kasta met ti kari ti Biblia maipapan iti asidegen a nasaysayaat a tiempo. [Basaenyo ti Salmo 72:16.] Inton agsubliak, kayatko nga ilawlawag no kasanonto nga aramiden ti Dios daytoy.”