No Ania ti Ibagayo Maipapan Kadagiti Magasin

Ti Pagwanawanan Set. 15

“Kayatko a maammuan ti makunayo iti daytoy. [Basaenyo ti Deuteronomio 32:4.] Napampanunotyo kadin no apay a kasta unay ti panagsagaba ken kinadakes ditoy lubong no talaga a mannakabalin-amin ken nalinteg ti Dios? [Palubosanyo a sumungbat.] Ilawlawag daytoy a magasin no apay nga impalubos ti Dios nga agtultuloy ti kinadakes agingga iti kaaldawantayo.”

Agriingkayo! Set.

“Kayat ti kaaduan kadatayo ti maaddaan iti nasayaat a salun-at ken atiddog a biag. Iti panagkunayo, sumayaat ngata ti salun-attayo no kanayon a positibo ti panangmatmattayo? [Palubosanyo a sumungbat sa basaenyo ti Proverbio 17:22.] Salaysayen daytoy a magasin no apay a nasayaat ti maaddaan iti positibo a panangmatmat.” Itampokyo ti artikulo iti panid 26.

Ti Pagwanawanan Okt. 1

“Naikunayo kadin iti bagiyo, ‘Nasaysayaat koma no saan a kastoy ti inaramidko!’? [Palubosanyo a sumungbat.] Imutektekanyo ti kuna ti Biblia no apay a no dadduma, adda dagiti aramidentayo a pagbabawyantay met laeng. [Basaenyo ti Jeremias 10:23.] Ilawlawag daytoy a magasin no kasano a ti praktikal a balakad a masarakan iti Biblia ket makatulong kadatayo nga agdesision.”

Agriingkayo! Okt.

“Iti panagkunayo, napegpeggad ngata ita ti kasasaad dagiti ubbing? [Palubosanyo a sumungbat.] Adu ti agkuna nga agbibiagtayon iti tiempo a nailadawan ditoy. [Basaenyo ti 2 Timoteo 3:1-5.] Mangted daytoy a magasin iti sumagmamano a praktikal a singasing no kasano a dagiti nagannak masalaknibanda dagiti annakda manipud iti seksual a panangabuso.”