No Ania ti Ibagayo Maipapan Kadagiti Magasin

Ti Pagwanawanan Set. 15

Mangdakamatkayo iti kaudian a damag a pakaseknan dagiti umili. Kalpasanna iyimtuodyo, “Iti panagkunayo, umiso kadi ti panangiladawan daytoy a bersikulo ti Biblia iti tiempo a pagbibiagantayo? [Basaenyo ti 2 Timoteo 3:1 sa palubosanyo a sumungbat.] Usigen daytoy nga artikulo ti pammaneknek nga agbibiagtayon kadagiti maudi nga aldaw ken ipakitana no ania ti rumbeng nga aramidentayo.”

Agriingkayo! Set.

“Adu ti mamati a naparsuatayo. Adda met dagiti agkuna a basta timmaudtayo lattan. Ania ti maikunayo? [Palubosanyo a sumungbat.] Imutektekanyo daytoy a singasing a tumulong kadatayo a makagteng iti umiso a konklusion. [Basaenyo ti Job 12:7, 8.] Ilawlawag daytoy nga espesial a ruar ti Agriingkayo! no ania ti masursurotayo iti sirib ken disenio a makita iti nakaparsuaan.”

Ti Pagwanawanan Okt. 1

“Padpadasen dagiti biologo nga ikkaten ti sakit ken paatiddogen ti biag. Iti panagkunayo, posible ngata a maaddaantayo iti biag nga agnanayon? [Palubosanyo a sumungbat.] Imutektekanyo ti makagapu no apay a dardarepdepentayo ti at-atiddog a panagbiag. [Basaenyo ti Eclesiastes 3:11.] Ilawlawag daytoy a magasin no apay a pinarsuanatayo ti Dios nga addaan iti tarigagay nga agbiag nga agnanayon.”

Agriingkayo! Okt.

“Nganngani amin a tao ket kaay-ayona ti agbuya iti telebision. Ngem iti panagkunayo, rumbeng kadi a pilientayo no ania ti buyaentayo? [Palubosanyo a sumungbat sa basaenyo ti Proverbio 13:20.] Ilawlawag daytoy a magasin no kasano a makaimpluensia kadatayo ti telebision, ken mangipaay daytoy kadagiti singasing no kasanotayo a kontrolen ti panagbuyatayo.”