No Ania ti Ibagayo Maipapan Kadagiti Magasin

Ti Pagwanawanan Nob. 15

“Iti napalabas, adu ti mamati nga agbalinto a paraiso ti daga. Iti kaaldawantayo, pagduaduaan dagiti dadduma no agtalinaed ti daga. Ania ti ammoyo a mapasamakto iti daga? [Palubosanyo a sumungbat.] Siputanyo no ania ti kuna ti Biblia maipapan iti daytoy. [Basaenyo ti Salmo 37:11.] Daytoy a magasin ilawlawagna ti ad-adu pay no ania ti impadto ti Biblia maipapan iti daga.”

Agriingkayo! Nob. 22

“Madanagan dagiti dadduma a tattao a saanen a matarimaan ti nadadael nga aglawlaw. Panagkunayo, awan ngatan ti pangnamnamaan? [Palubosanyo a sumungbat.] Ti Namarsua saanna a pinanggep a ti daga ket agbalin nga awan kapapay-anna. [Basaenyo ti Isaias 45:18.] Daytoy a magasin ilawlawagna no kasano a masalbar ti daga.”

Ti Pagwanawanan Dis. 1

“Dadduma a tattao iti kaaldawantayo mapukpukawen ti pammatida iti Dios. Ti maysa a rason, dida makasarak kadagiti makapnek a sungbat kadagiti makaburibor a saludsod a kas kadagitoy. [Mangtedkayo iti pagarigan manipud iti kahon iti panid 6.] Daytoy a ruar Ti Pagwanawanan dakamatenna ti maysa a napateg nga aspeto iti panangpatanor iti napaypayso a pammati iti Dios.” Basaenyo ti Filipos 1:9.

Agriingkayo! Dis. 8

“Panagkunayo, tagiragsakento ngata ti sangatauan dagiti kasasaad a nadeskribir ditoy? [Basaenyo ti Isaias 14:7. Kalpasanna, palubosanyo a sumungbat.] Naglaon daytoy a magasin iti praktikal nga impormasion a makagunggona kadatayo bayat nga ur-urayentayo ti pannakatungpal dagiti kari ti Dios.” Itampokyo ti artikulo a “Kasano a Maiwaksim Dagiti Dakes a Tarigagay?”