No Ania ti Ibagayo Maipapan Kadagiti Magasin

Ti Pagwanawanan Nob. 15

“Adu a tattao ti masdaaw no apay a kumarkaro dagiti parikut a mangparparigat iti sangatauan. Inut-utobyo kadin no ania ti kuna daytoy a bersikulo a posible a makagapu? [Basaenyo ti Apocalipsis 12:9 sa palubosanyo a sumungbat.] Ilawlawag daytoy a magasin dagiti pamay-an ti Diablo a mangyaw-awan kadagiti tattao ken no kasano a masarangettayo ti impluensiana.”

Agriingkayo! Nob. 22

“Nupay adda umdas a taraon para iti tunggal maysa ditoy daga, agarup 800 a milion a tattao ti mabisbisinan. Saan kadi a nakalkaldaang dayta? [Palubosanyo a sumungbat.] Salaysayen daytoy a magasin ti kumarkaro a parikut maipapan iti panangtaraon kadagiti siudad. Ilawlawagna pay ti kari ti Biblia maipapan iti lubong a dita ket awanton ti bisin.” Basaenyo ti Salmo 72:16a.

Ti Pagwanawanan Dis. 1

No mangngeg dagiti tattao ti sao nga ‘Armagedon,’ adu ti mangiladawan iti dayta kas nakaal-alingget a sapasap a pannakadadael. [Ipakitayo ti kahon iti panid 3.] Masdaawkayo kadi a makaammo a ti Armagedon ket kinapudnona maysa kadagiti kasayaatan a mabalin a mapasamak kadatayo? [Palubosanyo a sumungbat.] Ilawlawag daytoy a magasin no apay.” Basaenyo ti 2 Pedro 3:13.

Agriingkayo! Dis. 8

“Kayatko koma nga isarita kadakayo ti maipapan iti tiempo inton tunggal maysa ket maaddaanen iti maitutop a pagtaengan. Saan kadi a makapaladingit ta nagadu a tattao ti awanan pagtaengan? [Palubosanyo a sumungbat sa basaenyo ti Isaias 65:21, 22.] Salaysayen daytoy a magasin dagiti makagapu iti kinaawan pagtaengan. Ilawlawagna pay no kasano a tungpalen ti Dios ti kari a kabasbasatayo.”