No Ania ti Ibagayo Maipapan Kadagiti Magasin

Ti Pagwanawanan Nob. 1

“Iti panagkunayo, tumibker ngata ti relasion dagiti agassawa no iyaplikarda daytoy a balakad ti Biblia? [Basaenyo ti Job 31:1 sa palubosanyo a sumungbat.] Ilawlawag daytoy nga artikulo dagiti prinsipio ti Biblia a makatulong kadagiti agassawa nga agtalinaed a matalek iti maysa ken maysa.” Itampokyo ti artikulo a mangrugi iti panid 18.

Agriingkayo! Nob.

“Umanamong ti kaaduan a tattao a bumasbassiten dagiti gameng iti baybay. Iti panagkunayo, kabaelan ngata a risuten ti gobierno ti tao daytoy a parikut? [Palubosanyo a sumungbat sa basaenyo ti Mateo 6:10.] Usigen daytoy nga artikulo ti sumagmamano kadagiti rason no apay a rumbeng a maseknantayo ken itampokna no ania ti solusion nga ipaay ti Dios.” Itampokyo ti artikulo a mangrugi iti panid 20.

Ti Pagwanawanan Dis. 1

“Iti daytoy a tiempo ti tawen, adu ti mangpampanunot iti maipapan ken Jesus. Ania ti maikunayo nga impluensia ni Jesus iti biagyo? [Palubosanyo a sumungbat.] Idagadag ti Biblia a surotentayo ti ulidan ni Jesus. [Basaenyo ti 1 Pedro 2:21.] No aramidentayo dayta, agbalintayo a nasaysayaat, naragragsak a tao. Ilawlawag daytoy a magasin no apay.”

Agriingkayo! Dis.

“Sinigsiglon a pampanunoten dagiti tattao daytoy a saludsod. [Basaenyo ti saludsod iti akkub.] Iti panagkunayo, sadino ti pakasarakantayo iti makapnek a sungbat? [Palubosanyo a sumungbat.] Imutektekanyo no apay a makapagpannuraytayo iti Dios maipaay iti sungbat. [Basaenyo ti Salmo 100:3.] Ipakita daytoy a magasin no ania ti kuna ti Biblia maipapan iti daytoy a topiko.”