No Ania ti Ibagayo Maipapan Kadagiti Magasin

Ti Pagwanawanan Nob. 15

“Kayattayo amin ti maaddaan iti naragsak ken makapnek a biag. Umanamongkayo kadi iti imbaga ni Jesus maipapan iti tulbek ti kinaragsak? [Basaenyo ti Mateo 5:3 sa palubosanyo a sumungbat.] Ilawlawag daytoy a magasin no kasano a makagunggona iti biagtayo ti panangpennek iti naikasigudan a tarigagaytayo nga agdaydayaw iti Dios.”

Agriingkayo! Nob.

“Iti daytoy panawen ti siensia ken panagduadua, adu ti agkunkuna a kadaananen ti Biblia. Ania ti makunayo? [Palubosanyo a sumungbat.] Ammoyo kadi nga umiso ti amin a kuna ti Biblia nga adda pakainaiganna iti siensia? [Basaenyo ti Job 26:7.] Daytoy nga espesial a ruar ti Agriingkayo! ikkannatayo kadagiti makagutugot a rason no apay a mapagtalkan ti Biblia.”

Ti Pagwanawanan Dis. 1

“Ania ti sungbatyo iti daytoy a saludsod? [Basaenyo ti saludsod iti akkub sa palubosanyo a sumungbat.] Panggep ti Dios a pagkaykaysaen ti sangatauan. [Basaenyo ti Salmo 46:8, 9.] Ipakita daytoy a magasin no ania ti kuna ti Biblia maipapan iti no kasano a maipasdek ti panagkaykaysa.”

Agriingkayo! Dis.

“Adda dagiti agkuna a ti ipapatay ket dalan nga agturong iti sabali a biag. Patien met dagiti dadduma a daytan ti ngudo ti biag. Iti panagkunayo, rumbeng kadi a kabutengtayo ti ipapatay? [Palubosanyo a sumungbat.] Imutektekanyo ti kinuna ni Job maipapan iti namnamana kalpasan ti ipapatayna. [Basaenyo ti Job 14:14, 15.] Ipakita daytoy a magasin no ania ti nalawag a kuna ti Biblia maipapan iti no ania ti mapasamak kadatayo no mataytayo.”