No Ania ti Ibagayo Maipapan Kadagiti Magasin

Ti Pagwanawanan Nob. 15

“Pampanunoten ti dadduma no kasapulantayo dagiti simbaan ken templo no agdayawtayo iti Dios. Ania ti panagkunayo? [Palubosanyo a sumungbat.] Imutektekanyo ti kunaen ti Biblia iti daytoy a banag. [Basaenyo ti Aramid 17:24.] Ania koma ngarud ti panggep dagiti lugar a pagdayawan? Mangted daytoy a magasin iti Nainkasuratan a sungbat iti dayta a saludsod.”

Agriingkayo! Nob. 22

“Ti panagkunayo dumtengto ngata ti tiempo a pagpatinggaen ti siensia ti sakit ken ipapatay? [Palubosanyo a sumungbat.] Daytoy a ruar ti Agriingkayo! usigenna ti dadduma a panagdur-as a naaramidan ti siensia. Ipakitana met no apay a ti laeng Namarsua ti addaan iti pannakabalin a mangikkat iti sakit ken ipapatay.” Basaenyo ti Salmo 146:3-5, ken itukon ti magasin.

Ti Pagwanawanan Dis. 1

“Iti kaaldawantayo, nganngani amin a tao ket marigatan nga agbirok iti umdas a pagbiagda. Pudno met dayta kadagiti relihion, ken ad-adda a napingetda ita nga agkiddaw iti pondo. Makapadismaya kadi kadakayo dayta? [Palubosanyo a sumungbat. Kalpasanna, basaenyo ti 1 Tesalonica 2:9.] Usigen Ti Pagwanawanan no ania ti kuna ti Biblia maipapan iti daytoy.”

Agriingkayo! Dis. 8

“Gapu kadagiti pangta dagiti terorista, agduadua ti adu no natalged met laeng ti aglugan iti eroplano. Maseknankayo kadi iti daytoy? [Palubosanyo a sumungbat.] Ibaga ti Biblia nga awan ti makalisi iti didigra. [Basaenyo ti Eclesiastes 9:11.] Ngem daytoy a ruar ti Agriingkayo! iparangna no kasanokayo nga ad-adda nga agbalin a natalged ken komportable no aglugankayo iti eroplano.”