No Ania ti Ibagayo Maipapan Kadagiti Magasin

Ti Pagwanawanan Mar. 15

“Kayatdakayo nga awisen iti pannakarambak ti Pangrabii ti Apo inton Domingo, Abril 4. [Ilawlawagyo ti makinlikud nga akkub ti magasin wenno ti nayimprenta nga imbitasion iti Memorial. Kalpasanna, basaenyo ti Lucas 22:19.] Dagiti umuna nga artikulo iti daytoy a ruar Ti Pagwanawanan ilawlawagna ti kaipapanan daytoy a pasken ken no kasano a rambakan.”

Agriingkayo! Mar. 22

Kalpasan ti panangdakamatyo iti maysa a nakalkaldaang a pasamak a pampanunoten dagiti tattao, isaludsodmo: “Ammoyo kadi no apay nga impalubos ti Dios a mapasamak dagitoy a banag? [Palubosanyo a sumungbat. Kalpasanna, basaenyo ti Santiago 1:13.] Daytoy nga artikulo, a naisurat a nangnangruna para kadagiti agtutubo, ilawlawagna no apay a saan pay laeng a bumallaet ti naayat a Namarsua kadatayo tapno agpatinggan ti panagsagaba dagiti tattao.”

Ti Pagwanawanan Abr. 1

“Adda sumagmamano a sasao a nangpataud iti adu a pattapatta maipapan iti karkarna a panangiladawan ti Biblia iti marka ti animal. Ammoyo kadi daytoy? [Palubosanyo a sumungbat. Kalpasanna, basaenyo ti Apocalipsis 13:16-18.] Ti Biblia a mismo ti mangibuksil iti kaipapanan daytoy a misterio. Ilawlawag daytoy a magasin no ania ti kaipapanan dayta.”

Agriingkayo! Abr. 8

“Ammo ti kaaduan a tattao ti pakasaritaan ti biag ni Moises. Ngem ammoyo kadi nga adda kinuna ni Moises a mangapektar iti biagtayo ita? [Palubosanyo a sumungbat. Kalpasanna, basaenyo ti Deuteronomio 18:15.] Ilawlawag daytoy a ruar ti Agriingkayo! no siasino dayta a naipadto a propeta ken no ania ti aramidenna nga agpaay iti pagimbagan ti sangatauan.”