No Ania ti Ibagayo Maipapan Kadagiti Magasin

Ti Pagwanawanan Mar. 15

“Adu kadatayo ti addaan iti naladingit a kapadasan gapu iti ipupusay ti ing-ingungotentayo. Ammoyo kadi daytoy a makaliwliwa a kari? [Basaenyo ti Aramid 24:15 sa palubosanyo a sumungbat.] Ngem adu ti mangyim-imtuod, Siasinonto ti mapagungar? Kaano a mapasamak dayta? Sadino ti pakapasamakanna? Ipaay daytoy a magasin dagiti sungbat ti Biblia kadagita a saludsod.”

Agriingkayo! Mar.

“Adu ti mamati a ni Jesus ket Dios. Ngem makapainteres ta ti adalan ni Jesus a ni Pedro binigbigna ni Jesus kas Anak ti Dios. [Basaenyo ti Mateo 16:16.] Iti panagkunayo, posible ngata a ni Jesus ket Dios ken Anak ti Dios? [Palubosanyo a sumungbat.] Ti artikulo ditoy panid 12-13 sungbatanna daytoy a saludsod babaen ti panangilawlawagna iti panangmatmat ti Biblia.”

Ti Pagwanawanan Abr. 1

“Itampok daytoy a nalatak a pagsasao ti kinapateg ti pananggun-od iti pannakaammo maipapan iti Dios. [Basaenyo ti Mateo 4:4.] Ngem adu ti agkuna a narigat a tarusan ti Sao ti Dios. Kasta kadi met ti panangmatmatyo? [Palubosanyo a sumungbat.] Ipaay daytoy a magasin dagiti praktikal a singasing a makatulong kadakayo a mangtarus iti Biblia.”

Agriingkayo! Abr.

“Adu ti mangikagkagumaan a manggun-od iti kinaragsak, ngem kasla manmano ti makasarak iti dayta. Iti panagkunayo, makatulong kadi kadagiti tattao ti aniaman kadagiti nailista ditoy tapno maaddaanda iti naragragsak a panagbiag? [Ipakitayo ti kahon iti panid 9 sa basaenyo ti maysa kadagiti naisitar a teksto.] Ilawlawag daytoy a ruar ti Agriingkayo! ti naibatay iti Biblia a ramen ti pudno a kinaragsak.”