No Ania ti Ibagayo Maipapan Kadagiti Magasin

Ti Pagwanawanan Mar. 15

“Dagiti tattao iti intero a lubong magustuanda dagiti sursuro ni Jesus. [Basaenyo ti naadaw a sasao iti panid 3, parapo 1.] Ngem iti panagkunayo, praktikal kadi iti tiempotayo dagita a sursuro, kas iti pagarigan iti daytoy a teksto? [Basaenyo ti Mateo 5:21, 22a sa palubosanyo a sumungbat.] Usigen daytoy a magasin ti pannursuro ni Jesus ken no kasano a magunggonaantayo iti dayta.”

Agriingkayo! Mar. 22

“Adu a tattao ti maay-ayatan kadagiti bantay gapu iti kinadaegda, ngem ammoyo kadi a napategda iti biag ditoy daga? [Palubosanyo a sumungbat.] Salaysayen daytoy a magasin no apay a kasapulantayo dagiti bantay ken no ania ti mapaspasamak kadagita iti kaaldawantayo. Dakamatenna met no kasano a ti Namarsua salbarennanto dagitoy napateg a gameng.” Basaenyo ti Salmo 95:4.

Ti Pagwanawanan Abr. 1

“Adda dagiti agkuna nga agkontra kano ti siensia ken ti Biblia. Nangnangngegyo kadin dayta? [Palubosanyo a sumungbat.] Sukimaten daytoy a magasin ti maipapan iti panagkontra ti siensia ken relihion. Ngem mangidatag met iti pammaneknek nga agtunos ti pudno a siensia ken ti Biblia.” Ipakitayo ti panid 6-7 sa basaenyo ti Eclesiastes 1:7.

Agriingkayo! Abr. 8

“Iti panagkunayo, kasano ngata a matulongan dagiti nagannak ti annakda a mangliklik kadagiti problema kabayatan dagiti narikut a tawen ti kinaagtutubo? [Palubosanyo a sumungbat sa basaenyo ti Isaias 48:17, 18.] Ipakita daytoy a magasin no kasano a ti panangyaplikar iti balakad ti Biblia matulonganna dagiti nagannak a maaddaan iti nasayaat a komunikasion kadagiti annakda ken mangipasdek kadagiti nainkalintegan a limitasion para kadakuada.”