No Ania ti Ibagayo Maipapan Kadagiti Magasin

Ti Pagwanawanan Mar. 15

“Panagkunayo praktikal kadi iti panawentayo dagiti sursuro ni Jesus? [Palubosanyo a sumungbat.] Awan duadua nga umanamongkayo iti daytoy a bilin nga inted ni Jesus iti daydi maudi nga aldaw ti biagna. [Basaenyo ti Juan 15:12.] Adda dadduma pay a napapateg a leksion nga insuro ni Jesus iti daydi nga aldaw. Ipakita daytoy a ruar Ti Pagwanawanan no kasanotayo a magunggonaan kadagita.”

Agriingkayo! Mar. 22

“Mapalpaliiwyo kadi nga adu a tattao ita ti di unay makaturog? [Palubosanyo a sumungbat.] Mabalin a maringgoran wenno madanaganda, isu a saanda a makaturog. [Basaenyo ti Eclesiastes 5:12.] Ilawlawag daytoy a magasin ti dadduma kadagiti pakaigapuan ti di pannakaturog, ken mangipaay kadagiti praktikal a singasing no kasano a mapasayaat ti pannaturogtayo.”

Ti Pagwanawanan Abr. 1

“Naipakita ditoy ti pannangan a kadawyan a maawagan iti Maudi a Pangrabii. [Ipakitayo ti parupa ken likud ti magasin.] Ammoyo kadi a dayta ti kakaisuna nga okasion a naibilin kadagiti Kristiano a laglagipenda? [Palubosanyo a sumungbat. Sa basaenyo ti Lucas 22:19.] Ilawlawag daytoy a magasin no apay a nakapatpateg daytoy nga okasion ken no kasano nga apektarannakayo.”

Agriingkayo! Abr. 8

“Saan kadi a nakalkaldaang ta nagadu nga agtutubo ti nadadael ti biagda gapu iti droga? [Palubosanyo a sumungbat.] Masansan a mangrugi ti problema no dakes ti pakikadkaduaan dagiti agtutubo. [Basaenyo ti 1 Corinto 15:33.] Sukimaten daytoy a ruar ti Agriingkayo! no ania ti mangimpluensia kadagiti agtutubo nga agdroga ken no ania ti maaramidan dagiti nagannak tapno masalakniban dagiti annakda.”