Panangitukon iti Agsursuroka iti Naindaklan a Mannursuro
◼ “Panagkunayo, sumayaat ngata ti kasasaad ditoy lubong no agbiag dagiti tattao a mayannurot iti daytoy a pagsasao? [Basaenyo ti Mateo 7:12a. Sa palubosanyo a sumungbat.] Naglaon daytoy a libro iti adu a pannursuro ti kalaingan a mannursuro a nagbiag ditoy daga.” Itampokyo dagiti ladawan ken kapsion iti kapitulo 17.
◼ “Ikagkagumaan ti kaaduan a nagannak ita nga itukit dagiti naimbag a pannursuro kadagiti annakda. Napateg kadi daytoy kadakayo? [Palubosanyo a sumungbat. Sa basaenyo ti Proverbio 22:6.] Imutektekanyo ta naidagadag kadagiti nagannak nga irugida a suruan dagiti annakda manipud iti kinaubingda. Nairanta daytoy a libro a tumulong kadakuada a mangaramid iti dayta.” Itampokyo dagiti ladawan ken kapsion iti kapitulo 15, 18, wenno 32.
◼ “Masansan a masdaaw dagiti nagannak kadagiti saludsod dagiti annakda. Mabalin a narigat a sungbatan ti dadduma kadagita a saludsod, saan kadi? [Palubosanyo a sumungbat. Sa basaenyo ti 2 Timoteo 3:14, 15.] Ti ina ken lola ni Timoteo insuroda kenkuana ti ibagbaga ti Kasuratan manipud iti kinamaladagana. Makatulong daytoy a libro kadagiti nagannak a mangaramid met iti kasta kadagiti annakda.” Itampokyo ti sumagmamano kadagiti ladawan ken kapsion iti kapitulo 11 ken 12 wenno 34 agingga iti 36.