Saludsod
◼ Kasano a magun-odan dagiti personal a kopia ti Agriingkayo! ken Ti Pagwanawanan?
Yantangay nabayagen a naisardeng ti panagsuskribir iti Ti Pagwanawanan ken Agriingkayo! iti amin a pagsasao, dagiti amin nga agibumbunannag alaenda dagiti magasinda iti kongregasion a nakaitimpuyoganda. Mabalin dagiti kongregasion ti agkiddaw kadagiti magasin babaen ti panangusarda iti porma a Congregation Requests (M-202). Daytoy met la a porma ti mausar iti panagkiddaw kadagiti magasin iti ganggannaet a pagsasao ken iti dadakkel a letra nga edision.
No kiddawen ti maysa a tao iti teritoriayo a regular a maitulodan iti magasin, pangngaasiyo ta asikasuenyo a dagus daytoy tapno awan ti malangananna nga isyu. Dagiti nailaksid ket mabalinda ti mangala kadagiti magasin wenno dadduma pay a literatura nga usarenda a mismo iti pagalaan kadagiti magasin ken literatura iti Kingdom Hall. Saan a personal a maitulodan iti magasin dagiti nailaksid.
Dagidiay laeng saan a regular a maitulodan ti agibumbunannag iti kongregasion ti ipalubos ti sanga nga opisina iti Pilipinas a maaddaan iti suskripsion. No agkiddaw ti Service Committee ti kongregasion iti suskripsion para iti asinoman a saan a makaala kadagiti magasin iti sabali a pamay-an, ti sekretario inotarna iti ababa a daytoy a panagkiddaw iti suskripsion ket inusig ken inaprobaran ti Service Committee ti kongregasion.
Kayat a sawen daytoy a di rumbeng nga agsurat dagiti agibumbunannag iti sanga nga opisina tapno agkiddaw kadagiti personal a suskripsion. Maisubli iti kongregasion ti aniaman a kasta a panagkiddaw iti suskripsion dagiti agibumbunannag wenno dagiti interesado a tattao.
◼ Kasano a makagun-od ti maysa a balud kadagiti personal a kopiana a magasin?
No mabalinan ti kongregasion a makinteritoria iti pagbaludan nga itulodan iti magasin dagiti balud sadiay, dagiti agibumbunannag a sumarsarungkar ti pangalaan ti maysa a balud kadagiti personal a kopiana nga Agriingkayo! ken Pagwanawanan. No saan a posible daytoy, mabalin a ti balud a mismo ti agkiddaw iti suskripsion babaen ti panagsuratna iti sanga nga opisina. Pangngaasiyo ta tandaananyo a dagiti nailaksid a balud mabalinda met ti gumun-od kadagiti personal a kopiada a magasin iti pamay-an a nadakamat iti daytoy a parapo.