Magunggonaan iti Video a No Blood—Medicine Meets the Challenge
Kasano kaadu ti ammoyo maipapan kadagiti alternatibo a pamay-an iti tay-ak ti panangagas a di agusar iti dara? Ammoyo kadi no ania ti dadduma kadagiti alternatibo iti panangyalison iti dara ken no ania ti ramanen dagitoy? Buyaenyo daytoy a video, ket subokenyo ti pannakaammoyo babaen dagiti sumaganad a saludsod.—Tandaanan: Gapu ta naglaon ti video kadagiti ababa nga eksena ti panagopera, nasken a tingitingen dagiti nagannak no ipabuyada daytoy a video kadagiti ubbing.
(1) Ania ti kangrunaan a rason no apay nga agkedked dagiti Saksi ni Jehova nga agpayalison iti dara, ken sadino iti Biblia ti pakabasaan iti dayta a prinsipio? (2) No maipapan iti panagpaagas, ania ti tarigagayantayo? (3) Addaan ti pasiente iti ania a kangrunaan a kalintegan? (4) Apay a nainkalintegan ken kinaresponsable ti di panagpayalison iti dara? (5) No nakaro ti panagpadara, ania ti dua a naganat nga ipangpangruna dagiti doktor? (6) Ania dagiti peggad iti salun-at a nainaig iti panangyalison iti dara? (7) Ania ti dadduma kadagiti alikamen a mabalin nga usaren dagiti siruhano tapno awan unay ti agsayasay a dara bayat ti operasion? (8) Ania ti nasken a maammuanyo maipapan iti aniaman a panangagas a maisandi iti panangyalison? (9) Mabalin kadi a maaramid ti serioso ken narikut nga operasion uray awan ti panangyalison iti dara? (10) Ania ti situtulok nga aramiden ti umad-adu a bilang dagiti doktor maipaay kadagiti Saksi ni Jehova, ken anianto ti nalabit agbalin nga estandarte iti panangtaming iti amin a pasiente?
Ti panangawat iti aniaman a wagas ti panangagas a naipabuya iti video ket desision ti indibidual a maibatay iti diktar ti konsiensiana.—Kitaenyo ti Hunio 15, 2004 a Pagwanawanan, p. 22-4, 29-31, ken ti Oktubre 15, 2000 a Pagwanawanan, p. 30-1.