Mangaramidkayo iti Praktikal nga Eskediul ti Pamilia

¹ Iti Sermonna iti Bantay, indagadag ni Jesus kadagiti agdengdengngeg kenkuana: “Itultuloyyo, ngarud, a sapulen nga umuna ti pagarian ken ti kinalintegna.” (Mat. 6:33) Ti maysa a praktikal a wagas a panangiplano kadagiti aktibidad ti pamilia tapno maipangpangruna dagiti naespirituan a banag ket ti kaadda ti naisurat nga eskediul. Iwayaanyo ti mangaramid iti linawas nga eskediul ti pamiliayo, nga usarenyo ti blangko nga eskediul iti panid 6 daytoy a suplemento. Kas proyekto ti pamilia, mabalin a kayat dagiti dadduma a kartiben dagiti aktibidad nga agparang iti panid 6 sada ipigket dagitoy iti blangko nga eskediul. Mabalin a kayat met dagiti dadduma nga isurat dagiti aktibidadda iti dayta a blangko nga eskediul.

² Ti pagtuladan nga eskediul nga adda iti baba ket nalabit makatulong kadakayo a mangaramid iti eskediulyo. Kas makitayo, uppat laeng a kangrunaan nga aktibidad ti nairaman iti dayta nga eskediul: (1) itatabuno kadagiti gimong ti kongregasion, (2) panagserbi iti tay-ak kas pamilia, (3) panagadal ti pamilia, ken (4) panangusig iti inaldaw a teksto. Ti panangiraman kadagitoy iti eskediulyo matulongannakayo a ‘mangsigurado iti napatpateg a bambanag.’ (Fil. 1:10) Masarakan iti panid 4-5 dagiti kanayonan a singasing maipapan kadagitoy uppat a benneg.

³ Saan laeng a dagita nga uppat nga aktibidad ti mabalin nga iraman iti eskediul ti pamiliayo. No agsaganakayo kas pamilia para kadagiti gimong, isuratyo dayta iti eskediulyo. No sangapamiliaan nga agbasakayo iti Biblia kalpasan ti panangusigyo iti inaldaw a teksto wenno aramidenyo dayta iti sabali a gundaway, iramanyo dayta. No kaugalian ti pamiliayo ti agaliwaksay, mabalin a kayatyo nga iraman dayta iti eskediulyo.

⁴ Iyurnosyo ti eskediul ti pamiliayo sigun iti kasapulan ken kasasaad ti amin a kameng ti sangakabbalayanyo. Sagpaminsan a tingitingenyo no epektibo met laeng dayta, ket mangaramidkayo kadagiti panagbalbaliw no kasapulan.

[Tsart iti panid 3]

Pagtuladan nga Eskediul ti Pamilia

Agsapa Malem Rabii

Dom. Inaldaw a Teksto

Palawag Publiko ken

Panagadal iti Pagwanawanan

Mier. Inaldaw a Teksto

Bier. Inaldaw a Teksto

Sab. Inaldaw a Teksto

Panagserbi iti Tay-ak

kas Pamilia

(Panagiwaras iti Magasin)

[Tsart iti panid 6]

Eskediul ti Pamilia

Agsapa Malem Rabii

Dom.

Lun.

Mar.

Mier.

Hueb.

Bier.

Sab.

.................................................................