No Ania ti Ibagayo Maipapan Kadagiti Magasin

Ti Pagwanawanan Abr. 15

“Nganngani umanamong ti amin a ti maysa kadagiti tulbek ti naragsak a biag ti pamilia ket nasayaat a komunikasion, ngem adu ti marigatan a makisarita a naimbag. Ania ti ammoyo a makagapu? [Palubosanyo a sumungbat.] Mangted daytoy a magasin kadagiti singasing no kasano a parang-ayen ti nasayaat a komunikasion.” Basaenyo ti Santiago 1:19.

Agriingkayo! Abr.

“Adu ti mangibagbaga a makatulong ti krus kadakuada nga umadani iti Dios. Ngem pampanunoten ti dadduma: Maitutop kadi a dayawen ti nakailansaan ni Jesus? Talaga kadi a natay ni Jesus iti krus? Ti artikulo a mangrugi iti panid 12 ipaayna ti sungbat ti Biblia kadagitoy a saludsod.” Basaenyo ti Aramid 5:30.

Ti Pagwanawanan Mayo 1

“Riniwriw a tattao iti intero a lubong ti agsagsagaba iti nasaem nga epekto ti kinapanglaw. Ania ti ammoyo a makatulong kadakuada? [Palubosanyo a sumungbat sa basaenyo ti 1 Pedro 2:21.] Ilawlawag daytoy a magasin no kasano a surotentayo ti ulidan ni Jesus no iti panangipakita iti pannakaseknan kadagiti napanglaw.”

Agriingkayo! Mayo

“Pinampanunotyo kadin no apay a lumakay ken bumakettayo? [Palubosanyo a sumungbat.] Ti panangilawlawag ti Biblia no apay a lumakay ken bumakettayo ipakitana no kasano a pinagbalin ti Dios a posible a tagiragsakentayo ti agnanayon a biag. [Basaenyo ti Isaias 25:8.] Usigen daytoy a ruar ti Agriingkayo! ti sumagmamano nga agdama a kapanunotan maipapan iti panaglakay ken panagbaket.”