No Ania ti Ibagayo Maipapan Kadagiti Magasin

Ti Pagwanawanan Ene. 15

“Iti panagkunayo, sadino ti pakasarakan dagiti agassawa iti mapagtalkan a balakad? [Palubosanyo a sumungbat.] Imutektekanyo no siasino ti namunganay iti panagasawa. [Basaenyo ti Genesis 2:22.] Nangipaay met ti Dios kadagiti instruksion maipapan iti nadayaw nga akem dagiti agassawa. Ilawlawag daytoy a magasin no ania dagita.”

Agriingkayo! Ene.

“Napalpaliiwyo kadin nga adu nga agkunkuna a Kristiano ti saan a mangsursurot kadagiti pannursuro ni Jesus? [Palubosanyo a sumungbat.] Kas pagarigan, adu ti saan a mangar-aramid iti sasao ni Jesus a nailanad ditoy. [Basaenyo ti Juan 13:35.] Usigen daytoy nga artikulo ti nagdumaan dagiti pannursuro ni Jesus ken ti panangmatmat dagiti adu nga agkunkuna a Kristiano.” Itampokyo ti artikulo a mangrugi iti panid 18.

Ti Pagwanawanan Peb. 1

“Iti panagkunayo, saan ngata a nasaysayaat ti komunidadtayo no ti tunggal maysa ket agbiag sigun kadagitoy a sasao? [Basaenyo ti Efeso 4:25 sa palubosanyo a sumungbat.] Ipagarup ti adu a tattao a kadagiti dadduma a kasasaad mabalin ti agulbod. Dakamaten daytoy a magasin no ania dagiti pagimbagan ti kanayon a panangibaga iti pudno.”

Agriingkayo! Peb.

“Iti dadduma a komunidad, kasla agbaliwbaliw ti kababalin dagiti tattao no maipapan iti relihion. Iti panagkunayo, mapukpukaw kadin ti impluensia dagiti relihion? [Palubosanyo a sumungbat.] Dagitoy a sasao ni apostol Pablo ipakitana no apay nga adda dagiti tattao a mapukpukawen ti panagtalekda iti relihion. [Basaenyo ti Aramid 20:29, 30.] Ilawlawag daytoy a magasin no ania ti kuna ti Biblia maipapan iti masanguanan ti Kristianidad.”