No Ania ti Ibagayo Maipapan Kadagiti Magasin

Ti Pagwanawanan Ene. 15

“No panunotentayo dagiti amin a mapaspasamak a panangibukbok iti dara, iti panagkunayo nabilbileg aya ti kinadakes ngem ti kinaimbag? [Palubosanyo a sumungbat.] Imutektekanyo no ania ti kuna ti Biblia maipapan iti Dios. [Basaenyo ti Salmo 83:18b.] Yantangay ti Dios ti Kangatuan iti intero a daga, agballiginto aya a talaga ti kinadakes? [Palubosanyo a sumungbat.] Ipaay daytoy a ruar Ti Pagwanawanan ti makapnek a sungbat iti dayta a saludsod.”

Agriingkayo! Ene. 22

“Ad-adda nga agpeggad ita ti kinatalgedtayo. Adu ti madanagan iti makunkuna nga identity theft wenno panangtakaw iti pakabigbigan. Nangnangngegyo kadin dayta? [Palubosanyo a sumungbat.] Inkari ti Biblia a dumtengto ti aldaw a maawanton ditoy daga ti amin a mamagpeggad iti kinatalgedtayo. [Basaenyo ti Isaias 11:9.] Ilawlawag daytoy a magasin no kasanonto a mapasamak daytoy.”

Ti Pagwanawanan Peb. 1

“Adu ita ti madanagan iti kinaawan panggedan, ket dagiti dadduma marigatanda unay iti trabahoda. Iti panagkunayo, posible ngata ti maaddaan iti naragsak ken natalged a trabaho? [Palubosanyo a sumungbat. Kalpasanna, basaenyo ti Isaias 65:21-23.] Salaysayen daytoy a ruar Ti Pagwanawanan ti maipapan iti panawen a maaddaanto ti amin iti makapnek a trabaho.”

Agriingkayo! Peb. 8

“Ipadamag daytoy a ruar ti Agriingkayo! ti maysa a nakaam-amak a kasasaad iti panawentayo​—ti pannakainaig dagiti ubbing iti prostitusion. Inkari ti Biblia nga asidegen nga agpatingga daytoy a makarimon a kita ti panangabuso kadagiti ubbing. [Basaenyo ti Proverbio 2:21, 22.] Ipakita daytoy a magasin no ania ti adda iti likudan ti kasta a pananggundaway kadagiti ubbing ken no kasanonto a mapasardeng.”