No Ania ti Ibagayo Maipapan Kadagiti Magasin

Ti Pagwanawanan Ene. 15

“Gapu ta gagangay itan dagiti di matungtungpal a kari, adu dagiti saanen nga agtalek iti asinoman. Adda kadi ammoyo a mabalintayo a pagtalkan dagiti karina? [Palubosanyo a sumungbat. Kalpasanna, basaenyo ti Josue 23:14.] Ipakita daytoy a magasin no kasanotayo a mapatanor ti panagtalek kadagiti kari ti Dios a nailanad iti Biblia.”

Agriingkayo! Ene. 22

“Kastoy ti pannakaisurat ti personal a nagan ti Dios iti Hebreo a pagsasao. [Ipakitayo ti akkub ti magasin.] Mamati ti dadduma a tattao a di rumbeng nga ibalikas daytoy a nagan. Us-usaren met daytoy dagiti dadduma. Daytoy a ruar ti Agriingkayo! usigenna daytoy a kontrobersia. Ilawlawagna pay no kasanotayo a maam-ammo ti Dios babaen ti naganna.” Basaenyo ti Salmo 83:18.

Ti Pagwanawanan Peb. 1

“Adu kadatayo ti mangpadpadas a mangsaluad iti pisikal a salun-attayo. Ngem ipakita dagiti nabiit pay a panagadal a ti salun-attayo ket apektaran met ti espiritualidadtayo. Panagkunayo, posible kadi daytoy? [Palubosanyo a sumungbat. Kalpasanna, basaenyo ti Mateo 5:3.] Ilawlawag daytoy a ruar Ti Pagwanawanan no kasanotayo a mapennek ti naespirituan a kasapulantayo.”

Agriingkayo! Peb. 8

“Iti kaaldawantayo, adu dagiti okupado iti panagbiagda ken kasapulanda ti ad-adu nga inana. Nalabit umanamongkayo kadagitoy a sasao a naisurat nasurok a 3,000 a tawenen ti napalabas. [Basaenyo ti Eclesiastes 4:6. Kalpasanna, palubosanyo a sumungbat.] Daytoy a ruar ti Agriingkayo! idatagna ti makatulong nga impormasion no kasano a mailasin ken maparmek ti parikut iti pannaturog.”