No Ania ti Ibagayo Maipapan Kadagiti Magasin

Ti Pagwanawanan Ene. 15

“Adu a tattao ti agus-usar kadagiti ladawan iti panagdayawda. Iti panagkunayo, makaisalakan aya dagiti kasta a banag? [Palubosanyo a sumungbat.] Imutektekanyo no anianto ti aramiden ti pudno a Dios maipaay kadatayo. [Basaenyo ti Apocalipsis 21:3, 4.] Ti laeng sibibiag a Dios ti makaaramid iti dayta. Ipakita daytoy a magasin no siasino ti Dios ken no kasanotay a magunggonaan no agtalektay kenkuana.”

Agriingkayo! Ene. 22

“Mabalin nga iyaleng-alengtayo ti kaadda ti bukodtayo a pagtaengan. Ngem iti intero a lubong, minilion dagiti agallaalla nga awanan iti pagtaengan, a dida pulos masarakan ti sapsapulenda a kinatalged. Sukimaten ti Agriingkayo! no apay a timmaud daytoy a problema ken kasta met ti kari ti Biblia a dumtengto ti tiempo a tunggal maysa ket maaddaanto iti bukodna a pagtaengan.”

Ti Pagwanawanan Peb. 1

“Kasta unay ti pannakaseknan dagiti tattao maipapan iti polusion iti aglawlaw. Ngem napanunotyo kadin ti maipapan iti polusion iti panunot? [Palubosanyo a sumungbat.] Ipaganetget ti Biblia ti kinapateg ti panagbalin a nadalus iti pisikal ken naespirituan. [Basaenyo ti 2 Corinto 7:1.] Masiguradok a makatulong ken praktikal kadakayo daytoy nga impormasion.”

Agriingkayo! Peb. 8

“Awan duadua a napalpaliiwyon a nupay gagangay a naragsak iti damo dagiti agassawa, adu ti agtungpal iti panagsina. Kayatko nga ited kadakayo daytoy a ruar ti Agriingkayo!, a mangilawlawag iti panangmatmat ti Biblia no kasano nga agbalin a naballigi ken naragsak ti panagasawa.”