Dagiti Palagip Mainaig iti Memorial

Dagiti panglakayen nasken nga asikasuenda dagiti sumaganad kas panagsagana iti Memorial:

◼ Siguraduen a sa la ipasa ti emblema no limneken ti init.

◼ Magun-od ken maisagana koma ti maitutop a kita ti tinapay ken arak.—Kitaenyo Ti Pagwanawanan a Pebrero 15, 2003, panid 14-15.

◼ Dagiti plato, kopa, ken ti maitutop a lamisaan ken mantel ket nasaksakbay koma a maiyeg ken maiplastar iti Kingdom Hall.

◼ Nasaksakbay koma a madalusan a naimbag ti Kingdom Hall wenno ti sabali a lugar a pagtataripnongan.

◼ Mapili koma a nasaksakbay dagiti paraasistir ken dagiti mangipasa iti emblema ken maisuro kadakuada dagiti annongenda ken ti umiso a pamay-an a masurot. Nasken a nanakman ti kawes ken langada.

◼ Mayurnos koma a maserbian ti asinoman a napulotan a nakapuy ti salun-atna ken saan a makatabuno.

◼ No saan la a maymaysa a kongregasion ti nakaeskediul a mangusar iti maysa a Kingdom Hall, adda koma nasayaat a koordinasion dagiti kongregasion tapno maliklikan ti panaglilinnetlet iti lobby wenno pagserkan, iti pagnaan, ken iti pagparadaan.

◼ No maangay ti Memorial iti sabali a pasdek, siguraduen nga adda maitutop a pangpapigsa iti timek tapno mangngeg dagiti tumabuno ti palawag ti ispiker.