No Ania ti Ibagayo Maipapan Kadagiti Magasin

Ti Pagwanawanan Ene. 1

“Umanamongkayo kadi iti nailanad ditoy? [Basaenyo ti Santiago 3:2.] Mangted daytoy nga artikulo iti sumagmamano a praktikal a singasing a naibatay iti Biblia a makatulong tapno saantay a masaktan dagiti kapamiliatayo babaen ti panagsasaotayo.” Itampokyo ti artikulo a mangrugi iti panid 10.

Agriingkayo! Ene.

“Adda dagiti karit a pakaipaspasanguan dagiti amin a pagassawaan. Ania ti ammoyo a pakasarakan dagiti agassawa iti mapagtalkan a balakad? [Palubosanyo a sumungbat.] Imutektekanyo daytoy a praktikal a bilin. [Basaenyo ti Efeso 5:22, 25.] Ilawlawag daytoy nga artikulo no ania ti kaipapanan ti panagpasakup ti asawa a babai iti asawana.” Itampokyo ti artikulo a mangrugi iti panid 28.

Ti Pagwanawanan Peb. 1

“Iti panagkunayo, posible ngata a maaddaantayo iti napaypayso a talna ti panunot iti laksid dagiti nadumaduma a parikut a pakaipaspasanguantayo ita? [Palubosanyo a sumungbat.] Nakatulong iti adu a tattao ti panangusig iti namnama nga itden ti Biblia maipaay iti masanguanan. [Basaenyo ti maysa kadagiti teksto a nakotar wenno naisitar iti artikulo nga itampokyo.] Ipakita daytoy a magasin no ania ti kuna ti Biblia maipapan iti nagtaudantayo, no ania ti panggep ti biag, ken no ania ti agur-uray iti masanguanan.”

Agriingkayo! Peb.

“Gapu iti iyaadu ti krimen, adu a tattao ti makarikna a saanda a natalged. Iti panagkunayo, sumayaatto pay ngata dagiti bambanag? [Palubosanyo a sumungbat.] Imutektekanyo ti makapainteres a padto ti Biblia. [Basaenyo ti Salmo 37:10.] Ilawlawag daytoy a magasin no ania ti adda iti likud dagiti krimen ken no ania ti solusion ti Biblia iti daytoy a parikut.”