No Ania ti Ibagayo Maipapan Kadagiti Magasin

Ti Pagwanawanan Peb. 1

“Iti panagkunayo, ania ti epektona kadagiti pamilia no iyaplikarda daytoy a balakad? [Basaenyo ti Efeso 4:31 sa palubosanyo a sumungbat.] Mangted daytoy nga artikulo iti sumagmamano a praktikal a singasing manipud iti Biblia no kasano a risuten dagiti di pagkikinnaawatan ken no kasano a taginayonen ti kinaragsak iti panagasawa.” Itampok ti artikulo a mangrugi iti panid 18.

Agriingkayo! Peb.

“Patien dagiti dadduma nga ilislista ti Dios ti tunggal maaramidtayo a biddut. Adda met dagidiay agkuna a pakawanenna amin a basol kasanoman ti kadagsen dagita. Ania ti makunayo? [Palubosanyo a sumungbat sa basaenyo ti Aramid 3:19.] Ilawlawag daytoy nga artikulo ti tallo nga addang a naibalabala iti Biblia no kasanotay a magun-odan ti asi ti Dios.” Itampok ti artikulo a mangrugi iti panid 10.

Ti Pagwanawanan Mar. 1

“Ania ti makunayo iti daytoy pamiliar unay a teksto? [Basaenyo ti Juan 3:16.] Napampanunotyo kadin no kasano a ti ipapatay ti maysa a tao ket mangyeg iti biag nga agnanayon kadagiti sabsabali? [Palubosanyo a sumungbat.] Mangted daytoy a magasin iti nabatad ken makapnek a panangilawlawag no kasanotayo a mabenepisiaran iti ipapatay ni Jesus.”

Agriingkayo! Mar.

“Iti panagkunayo, naimbag ngata amin a relihion? [Palubosanyo a sumungbat.] Imutektekanyo no ania ti kuna ti Biblia maipapan iti panagdaydayaw dagiti dadduma. [Basaenyo ti Marcos 7:7.] Kasano a mailasin ti maysa a tao no ti relihion ket agisursuro iti kinapudno saan ket a ti “bilbilin dagiti tattao”? Posible ngata a maammuan no pudno ti relihiontayo? Sungbatan daytoy a magasin dagita a saludsod.”