No Ania ti Ibagayo Maipapan Kadagiti Magasin

Ti Pagwanawanan Peb. 15

“No dakayo ti mangpili iti mangituray iti lubong, siasino ti pilienyo? [Palubosanyo a sumungbat.] Salaysayen daytoy a ruar Ti Pagwanawanan dagiti kualipikasion ti Mesias, daydiay pinili ti Dios a mangituray iti daga. Ilawlawagna pay no ania ti kaipapananna iti sangatauan ti panagturayna.” Basaenyo ti Isaias 9:6, 7.

Agriingkayo! Peb.

“Adu a didiosen ti daydayawen ita dagiti tattao. Ngem paliiwenyo ti kinuna ni Jesus iti kararagna maipapan iti nailangitan nga Amana. [Basaenyo ti Juan 17:3.] No adda laeng maymaysa a pudno a Dios, komusta ngay dagiti amin a sabali a didios? [Palubosanyo a sumungbat.] Dakamaten daytoy nga artikulo no ania ti panangmatmat ti Biblia.” Itampokyo ti artikulo iti panid 28-9.

Ti Pagwanawanan Mar. 1

“Umanamong ti kaaduan a tattao a rumbeng nga agiinnayattayo, kas imbilin ni Jesus iti daytoy a teksto. [Basaenyo ti Juan 13:34, 35.] Ngem sadino ti pakasarakantayo kadagiti tattao a mangyap-aplikar kadagiti pannursuro ni Jesus? [Palubosanyo a sumungbat.] Usigen daytoy a magasin no kasano a mailasintayo dagiti pudno a Kristiano ita.”

Agriingkayo! Mar.

“Ti ayat ket napateg iti kinaragsak ken kinasalun-attayo. Ngem para iti adu a tattao, naatap ti pudno nga ayat. Ania ti ammoyo a makagapu? [Palubosanyo a sumungbat.] Ti maysa a napateg a pamay-an tapno masarakan ti pudno nga ayat ket sursuruen nga ipakita ti di agimbubukodan nga ayat kadagiti sabsabali. Salaysayen daytoy a magasin no ania ti ramanen dayta.” Basaenyo ti 1 Corinto 13:4-7.