No Ania ti Ibagayo Maipapan Kadagiti Magasin

Ti Pagwanawanan Peb. 15

“Kuna ti dadduma a ti tao ti mangdaddadael iti daga. Madanagankayo kadi iti dayta? [Palubosanyo a sumungbat.] Imutektekanyo daytoy a makaliwliwa a kari. [Basaenyo ti Apocalipsis 11:18.] Mangipaay daytoy a magasin iti impormasion a mangipakita no apay a naisangsangayan daytoy a planeta. Salaysayenna pay no ania ti kunaen ti Biblia a pagbalinanto ti daga.”

Agriingkayo! Peb.

“Iti panagkunayo, daytoy kadi ti rason no apay a nakaro ti riribuk ditoy lubong? [Basaenyo ti 1 Juan 5:19 sa palubosanyo a sumungbat.] Ipakita daytoy nga artikulo no ania ti kunaen ti Biblia maipapan iti kinasiasino ‘daydiay nadangkes’ ken no kasano a maliklikantayo ti nabileg nga impluensiana.” Itampok ti artikulo a mangrugi iti panid 12.

Ti Pagwanawanan Mar. 1

“Adu ti mangipagarup nga amin a relihion ket agturong iti Dios. Iti panagkunayo, napateg kadi no ania a relihion ti pilien ti maysa a tao? [Palubosanyo a sumungbat.] Imutektekanyo daytoy a singasing. [Basaenyo ti 1 Juan 4:1.] Ilawlawag daytoy a magasin no kasanotayo a mailasin no dagiti sursuro ket naggapu iti Dios. Ilawlawagna pay no kasano a nangrugi ti nagduduma a relihion.”

Agriingkayo! Mar.

“Iti panagkunayo, ania dagiti sumagmamano a karit a pakaipaspasanguan dagiti agtutubo ita? [Palubosanyo a sumungbat.] Itampok daytoy a bersikulo ti maysa a karit—ti pannakaadda dagiti umiso a gagayyem. [Basaenyo ti Proverbio 13:20.] Ilawlawag daytoy a magasin dagiti peggad ti panagusar iti Internet tapno agbirok kadagiti gagayyem ken no kasano a masalakniban dagiti agtutubo.”