No Ania ti Ibagayo Maipapan Kadagiti Magasin

Ti Pagwanawanan Peb. 15

“Adu a tattao ti mariribukan gapu kadagiti dakes a banag a maar-aramid iti nagan ti relihion. Kuna ti dadduma a ti relihion ti makagapu kadagiti parikut ti sangatauan. Napampanunotyo kadin daytoy? [Palubosanyo a sumungbat. Kalpasanna, basaenyo ti Apocalipsis 18:24.] Usigen daytoy a magasin no ania ti kuna ti Biblia maipapan iti daytoy a banag.”

Agriingkayo! Peb. 22

“Kaay-ayo ti adu a tattao ti agsursuro maipapan kadagiti animal, ken pagragsakan ti dadduma ti agtaraken kadagita. [Palubosanyo nga agkomento.] Isalaysay daytoy a magasin dagiti sumagmamano a parikut iti panagtaraken kadagiti animal. Ilawlawagna pay ti kari ti Dios inton agkakappia dagiti animal ken dagiti tattao.” Basaenyo ti Isaias 11:6-9.

Ti Pagwanawanan Mar. 1

“Naminsan, adda nagsaludsod ken ni Jesu-Kristo: ‘Ania a bilin ti umuna iti amin?’ Kitaentayo ti sungbatna. [Basaenyo ti Marcos 12:29, 30.] Iti panagkunayo, ania ngata ti kayat a sawen ni Jesus? [Palubosanyo a sumungbat.] Ilawlawag ti artikulo a ‘No Kasano a Maipakitatayo ti Panagayattayo iti Dios’ ti kaipapanan dagitoy a nalatak a sasao.”

Agriingkayo! Mar. 8

“Adu a tattao ti nagbiag idi iti buteng gapu iti nuklear a gubat. Panagkunayo, mapasamak ngata ti nuklear a gubat iti kaaldawantayo? [Palubosanyo a sumungbat.] Usigen daytoy a magasin dagiti nabiit pay a pasamak a pakaseknantayo amin. Ilawlawagna pay ti kari ti Biblia maipapan iti lubong nga awanton ti buteng.” Basaenyo ti Sofonias 3:13.