Patgenmi nga Agibumbunannag iti Pagarian:

Idi Pebrero 4, 2008, nangrugi ti umuna a klase ti Eskuelaan Para Kadagiti Panglakayen iti Kongregasion a naangay idiay Patterson Educational Center iti Estados Unidos.

Bayat ti panagadalda, maragragsakan dagiti mamangulo a manangaywan iti makapabileg a pannakilangenda iti pamilia ti Bethel. Inaldaw met a tabunuanda ti programa ti panagdaydayaw iti agsapa kasta met ti Panagadal iti Pagwanawanan iti rabii ti Lunes. Iti maudi nga aldaw ti panageskuelada, adda espesial a diskurso nga impaay ti maysa a kameng ti Komite ti Sanga iti Estados Unidos ken maysa a kameng ti Bagi a Manarawidwid. Dayta ti tampok ti panagadalda.

Adu ti naawat nga ebkas ti panagyaman manipud kadagiti nageskuela a panglakayen. Kastoy ti kinuna ti maysa kadakuada: “Makaparegta unay ti makalawas a kaaddak iti Bethel!” Insurat ti sabali pay: “Ita ta napabilegak, naregregtaak manen a mangibaklay kadagiti annongek.” Ti agdama a kurikulum ti eskuelaan saklawenna ti nadumaduma a benneg ti annongen dagiti mamangulo a manangaywan tapno ad-adda a makabalanda a mangipaay a sieepektibo kadagiti kasapulan ti kongregasion. (Ara. 20:28) Bayat nga awan pay ditoy Pilipinas daytoy nga eskuelaan, maragsakantayo a makaammo iti naayat a probision ni Jehova a mangsanay kadagiti manangaywan ken mangikararag iti pamendision ni Jehova kadagiti sumaruno a klase.

Dagiti kakabsatyo,

Sanga nga Opisina iti Pilipinas