Panagbalbaliw iti Gimong iti Tengnga ti Lawas

Mangrugi iti lawas ti Setiembre 3, ti Panagadal ti Kongregasion iti Biblia ket saanton a 25 minuto no di ket 30 minuto. Iti introduksion, ti konduktor ket mangbusbos iti maysa a minuto a mangirepaso iti napalabas a napagadalan. Ti met Gimong ti Serbisio ket saanen a 35 minuto no di ket 30 minuto. Awanton ti paset a para kadagiti pakaammo. Aniaman a pakaammo ket madakamat iti rugrugi ti umuna paset a nakaeskediul iti Gimong ti Serbisio. Kaaduanna a manmano, no adda man, dagiti pakaammo a kasapulan a mayanunsio, ken saanen a kasapulan a dakamaten no ania dagiti maidatag iti gimong. Dagiti pakaammo mainaig iti panangasaba ken panagdalus, kasta met dagiti kablaaw, ket saanen a maibasa. (km 10/08 p. 1, par. 4) No adda atiddog a pakaammo, makatulong no maammuan a nasaksakbay dagiti addaan iti paset tapno mapaababada ti pasetda.