Pagtuladan a Presentasion

Panangirugi iti Panangyadal iti Biblia iti Umuna a Sabado iti Setiembre

“Adu ti mamati a dumtengto ti aldaw nga ukomen ida ti Dios sigun kadagiti aramidda. Iti panagkunayo, ti kadi Aldaw ti Panangukom ket rumbeng a padaanan wenno pagbutngan? [Palubosanyo a sumungbat.] Imutektekanyo no ania ti kuna daytoy a magasin.” Itedyo iti bumalay ti Setiembre 1 a Pagwanawanan sa usigenyo ti material iti babaen ti umuna a subtitulo iti panid 16 ken ti uray maysa laeng a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Setiembre 1

“Iti adu a paset ti lubong, maidaddaduma ken mamalmaltrato dagiti babbai. Nakalkaldaang ta dagiti narelihiosuan a patpatien ti dadduma a makagapu. Iti panagkunayo, maseknan ngata ti Dios kadagiti babbai? [Palubosanyo a sumungbat.] Imutektekanyo no ania ti kuna ti Biblia a rumbeng a panangtrato ti asawa a lalaki iti asawana. [Basaenyo ti Efeso 5:28, 29.] Ipakita daytoy a magasin no ania ti kuna ti Biblia maipapan iti panangmatmat ti Dios kadagiti babbai.”

Agriingkayo! Setiembre

“Adu ti mangibagbaga nga agpatingganto ti biag ditoy daga, nalabit gapu iti nuklear a gubat wenno natural a didigra, kas iti asteroid wenno panagbalbaliw ti klima ti lubong. Iti panagkunayo, umiso ngata dagita a padto, wenno sarsarita laeng? [Palubosanyo a sumungbat.] Adda makaliwliwa a kari ti Biblia. [Basaenyo ti Salmo 37:29.] Ipakita daytoy a magasin ti sumagmamano kadagiti nakaam-amak a pasamak maipapan iti panungpalan ti lubong ken no ania ti kuna ti Biblia maipapan iti pudpudno a mapasamak iti masanguanan.”