Kanayon Kadi a Kitkitaenyo ti Information Board?

Dagiti panglakayen, ministerial nga adipen, ken dadduma nga addaan iti annongen iti kongregasion kanayon a kitkitaenda ti information board tapno maammuanda no adda pasetda. Nupay kasta, makita sadiay ti intero a kongregasion dagiti napapateg nga impormasion. Ammom kadi no kaano ti batangyo nga agdalus iti Kingdom Hall? Adda kadi naawat ti kongregasionyo a napateg a surat ti manangaywan iti sirkito wenno sanga nga opisina? Ammom kadi ti tema ti palawag publiko ita a lawas tapno maiyawismo iti iyad-adalam iti Biblia? Adda kadi naaramid a panagbalbaliw iti eskediul ti gimong wenno iti grupoyo iti panangasaba? Kaaduan kadagitoy nga impormasion ti saanen a maipakaammo iti gimong ken mabalin a saan a maibaga dayta dagiti panglakayen iti tunggal agibumbunannag. Gapuna, masapul a kanayon a kitaentayo ti information board. No ar-aramidentayo dayta, amin a banag ket ‘maaramid a sitatakneng ken sigun iti urnos.’—1 Cor. 14:40.