Ipaganetget ti Panangirugi Kadagiti Panagadal iti Biblia iti Umuna a Sabado
Nangrugi idi Mayo 2011, naiparegta kadagiti agibumbunannag nga ikagumaanda ti mangirugi kadagiti panangyadal iti Biblia iti umuna a Sabado iti tunggal bulan. Tapno matulongantayo a mangaramid iti dayta, naisagana ti “Sungbat Dagiti Saludsod Maipapan iti Biblia” a regular a paset ti pangpubliko nga edision Ti Pagwanawanan. Gapuna, iti taripnong sakbay ti panangasaba iti umuna a Sabado, masapul a maitampok no kasano a mausar dayta a paset iti panangirugi kadagiti panangyadal iti Biblia ken paidemostra.
Mabalin nga ikeddeng dagiti panglakayen a ti tunggal grupo iti panangasaba ket agsisina nga agtataripnong iti umuna a Sabado, wenno agtitiponda amin nga agtataripnong iti Kingdom Hall. Ngem no adu a kongregasion ti agus-usar iti Kingdom Hall, awan koma ti kongregasion a mangyakar iti sabali nga aldaw iti daytoy a naisangsangayan nga aldaw iti panangirugi iti panangyadal iti Biblia tapno makapagtitipon ti amin iti taripnong sakbay ti panangasaba.