Pagtuladan a Presentasion

Panangirugi iti Panangyadal iti Biblia iti Umuna a Sabado iti Septiembre

“Naimbag nga aldawyo. Sumarsarungkarkami iti apagbiit tapno iranudmi ti mapangnamnamaan a tulong kadagiti agassawa a mamagballigi iti panagasawada. Iti panagkunayo, ania ti kangrunaan a lapped iti naragsak a panagasawa?” [Palubosanyo a sumungbat.] Ipakitayo ti makinlikud nga akkub ti Septiembre 1 a Pagwanawanan, ken usigenyo dagiti parapo iti baba ti umuna a saludsod ken ti uray maysa laeng kadagiti naisitar a teksto. Ipaimayo dagiti magasin, ken ibagayo nga agsublikayto tapno pagsaritaanyo ti sumaruno a saludsod.

TI Pagwanawanan Septiembre 1

“Sumarsarungkarkami gapu ta ditoy lugartayo, adu ti agpampanunot no apay nga ipalpalubos ti Dios ti nakaro a panagsagaba. Napampanunotyo met kadi daytan? [Palubosanyo a sumungbat.] Makapainteres ta inkari ti Biblia nga addanto tiempo nga awanen ti leddaang ken ut-ot. [Basaenyo ti Apocalipsis 21:4.] Mausig iti daytoy a magasin ti lima a kangrunaan a rason ti nakaro a panagsagaba. Ipakitana pay ti kuna ti Biblia no kasano a pagpatinggaen ti Dios ti panagsagaba.”

Agriingkayo! Septiembre

“Immaykami tapno mangipaay iti impormasion maipapan iti mapaspasungadan a nalatak a piesta—ti Halloween. Inkeddeng ti dadduma ti din agselebrar gapu kadagiti pakdaar a kas iti daytoy a mabasa iti Biblia. [Basaenyo ti Levitico 19:31.] Adda met dagiti tattao a di mamati kadagiti karkarna nga espiritu ken ibilangda ti Halloween a di makadangran a pagraragsakan. Ania ti makunayo maipapan iti daytoy a piesta? [Palubosanyo a sumungbat.] Ilawlawag daytoy a magasin dagiti dakes a nagtaudan ti Halloween.”