Ania ti Aramidem No Piesta Opisial?

Adu a tattao ti adda iti balayda no tiempo dagiti narelihiosuan ken nasional a piesta opisial. Gapuna, masansan a nasayaat dagita a tiempo a mangasabatayo. Maparparegta dagiti kongregasion a mangaramid kadagiti espesial nga urnos para iti panangasaba no piesta opisial. No adu a tattao iti teritoria ti naladladaw nga agriing ngem iti gagangay, nasayaat no mabaliwan ti oras ti taripnong sakbay ti panangasaba. Ti kongregasion ket mabalin a mapakaammuan bayat ti Gimong ti Serbisio maipapan iti aniaman nga espesial nga urnos para iti panangasaba no piesta opisial ken maparegta ti amin a makiraman. Siempre no piesta opisial, adda met panawentayo nga aginana wenno mangasikaso kadagiti personal a banag. Ngem mabalin kadi a mangilatangka iti sumagmamano nga oras para iti panangasaba? Iti kasta, matagiragsakmo ti gin-awa nga itden ti sagrado a panagserbi.—Mat. 11:29, 30.