Panangparang-ay iti Abilidadtayo iti Ministerio—Panangasaba iti Sabali ti Lengguahena

No Apay a Napateg: Interesado ni Jehova iti naespirituan a pagimbagan ti tattao “iti tunggal nasion.” (Ara. 10:34, 35) Gapuna, imbaga ni Jesus a ti naimbag a damag ket maikasaba “iti intero a mapagnaedan a daga” ken iti “amin a nasion.” (Mat. 24:14) Impadto ni Zacarias nga addanto dagiti mangipangag “manipud kadagiti amin a pagsasao ti nasnasion.” (Zac. 8:23) Sigun iti sirmata ni apostol Juan, dagiti makalasat iti dakkel a rigat ket “manipud kadagiti amin a nasion ken kadagiti tribu ken kadagiti ili ken kadagiti pagsasao.” (Apoc. 7:9, 13, 14) Dayta ti gapuna nga ikagumaantayo koma a kasabaan ti sabali ti lengguahena a masarakantayo iti teritoriatayo.