Panangparang-ay iti Abilidadtayo iti Ministerio—Kasabaan ti Amin iti Teritoria

NO APAY A NAPATEG: Impadto ni Zacarias a dagiti tattao manipud iti amin a lengguahe dagiti nasion awatendanto ti naimbag a damag. (Zac 8:23) Ngem siasino ti mangisuro kadakuada? (Ro 10:13-15) Pribilehio ken responsabilidadtayo nga ipakaammo ti naimbag a damag iti amin a tattao iti teritoriatayo.—od 83-84 ¶10-11.

NO KASANO NGA ARAMIDEN:

• Agsagana. Adda kadi makasarsaritam a tattao a sabali ti lengguahena? Nasayaat no agsursuroka kadagiti simple a presentasion iti JW Language app. Wenno mabalin nga usarem ti gadyetmo tapno ipakitam no kasano a makabirok iti ad-adu pay nga impormasion iti lengguahena iti jw.org

• Agpaliiw. No mangaskasabaka iti balaybalay, ikagumaam a kasabaan dagiti aglabas wenno dagiti agur-uray iti lugan. No mangaskasabaka iti publiko, agpokuska iti panggepmo a mangasaba

• Aggaggaget. Itultuloymo a danonen dagidiay awan idi iti balayda. Pagreggetam nga adda koma makasaritam iti tunggal pagtaengan, mabalin a baliwam ti oras wenno aldaw ti panangasabam. Tapno makasabaam ti dadduma, mabalin a kasapulan a kasabaam ida babaen ti surat, telepono, wenno mangasabaka iti lansangan

• Agsarungkar. Saanmo a baybayagen a sublian dagiti nangipakita iti interes. No sabali ti lengguahe ti nakasaritam, mangbirokka iti makaawat iti lengguahena a tumulong kenkuana. Masapul nga itultuloymo a sublian dayta a tao agingga nga addan mangsarungkar kenkuana a makaawat iti lengguahena.—od 94 ¶39-40

BUYAENYO TI VIDEO A PANANGASABA “ITI KAADAYWAN A PASET TI DAGA,” SA PAGSASARITAANYO DAGITOY A SALUDSOD:

• 

  Kasano a nagsagana dagiti kakabsat tapno makasabaanda dagiti tattao iti adayo a lugar? (1Co 9:22, 23)

• 

  Ania dagiti problema a masapul a sanguenda?

• 

  Ania dagiti bendision a naawatda?

• Ania dagiti mabalinmo nga aramiden tapno ad-adu ti makasabaam iti teritoriayo?