Kasapulan ti Panagsagana Tapno Epektibo ti Panangisuro

Iti dua a gundaway, nayimtuod ken Jesus ti agpada a saludsod maipapan iti agnanayon a biag. Ngem imbagayna ti sungbatna iti kasapulan dagiti nagsaludsod. (Luc. 10:25-28; 18:18-20) Gapuna, nupay mabalin a kabesadotayon ti material a maad-adal, masapul nga isaganatayo dayta a nasaksakbay bayat a sipapanunottayo iti iyad-adalantayo. Ania dagiti punto a dina unay maawatan wenno akseptaren? Ania kadagiti naisitar a teksto ti mabasa? Kasano kaadu ti material a maadal? Mabalin a kasapulan a mangisaganatayo iti ilustrasion, pannakailawlawag, wenno agkakanaig a saludsod tapno matulongan ti iyad-adalantayo a mangtarus iti impormasion. Kanayonanna, ni Jehova ti mangpadpadakkel iti bin-i ti kinapudno iti puso, isu a dumawattayo koma iti pamendisionna iti panagsaganatayo iti panagadal, iti iyad-adalantayo, ken iti panagreggettayo a tumulong kenkuana iti naespirituan.—1 Cor. 3:6; Sant. 1:5.