Sanayen Ida nga Agserbi a Patinayon ken Jehova

Ipakita dagiti kapadasan nga agbalin a mas epektibo dagiti kabbaro nga agibumbunannag no dagus a masanayda a regular ken naregta a makiraman iti ministerio. (Pr 22:6; Fil 3:16) Adtoy dagiti singasing no kasano a matulongam ti maysa nga iyad-adalan a maaddaan iti nasayaat a pundasion iti ministerio:

• Apaman a maaprobaran ti iyad-adalam nga agbalin nga agibumbunannag, rugiamon a sanayen. (km 8/15 1) Iyunay-unaymo kenkuana a napateg nga iramanna ti ministerio iti linawas a rutinana. (Fil 1:10) Positibo koma ti komentom maipapan iti teritoria. (Fil 4:8) Paregtaem a makikadua iti manangaywan iti grupo ken iti dadduma nga agibumbunannag tapno magunggonaan kadagiti kapadasanda.—Pr 1:5; km 10/12 6 ¶3

  

• No nabautisaranen ti iyad-adalam, dika agsarsardeng a mangparegta ken mangsanay kenkuana iti ministerio nangruna no dina pay nalpas nga adalen ti libro nga Ayat ti Dios.—km 12/13 7

  

• Simple laeng koma ti presentasionmo no kabbaro nga agibumbunannag ti kaduam iti ministerio. Kalpasan a nangngegmon ti presentasionna, naimpusuan a komendaram. Mangibagaka kadagiti singasing a makatulong kenkuana nga agbalin a mas epektibo.—km 5/10 7