Protektaran ni Jehova ti Ilina

Nakallalagip ti immuna a Paskua. Iti dayta a rabii, kalpasan a naammuan ni Faraon a natay ti inauna nga anakna, imbagana ken Moises: “Pumanawkayon ken amin a kakaduayo nga Israelita. Inkayon agserbi ken Jehova a kas iti ibagbagayo.” (Ex 12:31) Impakita ni Jehova a protprotektaranna ti ilina.

No panunotentayo ti moderno a pakasaritaan ti ili ni Jehova, nalawag a makitatayo nga agtultuloy nga iwanwanwan ken salsalakniban ida ni Jehova. Naitampok daytoy iti maysa a museum iti sangalubongan a hedkuarter a maawagan iti “A People for Jehovah’s Name.”

BUYAEN TI VIDEO A PANAG-TOUR ITI WARWICK MUSEUM: “A PEOPLE FOR JEHOVAH’S NAME” SA SUNGBATAN DAGITOY A SALUDSOD:

• 

  Ania a baro nga alikamen ti inusar dagiti Estudiante ti Biblia nangrugi idi 1914 a mangpabileg iti pammati iti Biblia, ken kasano kaballigi dayta?

• 

  Ania dagiti karit a timmaud idi 1916 ken 1918, ken ania dagiti pammaneknek nga iwanwanwan ni Jehova ti organisasion?

• 

  Kasano a nagtalinaed a natibker ti pammati ti ili ni Jehova iti laksid ti ibubusor?

• 

  Ania a baro a pannakaawat ti nailawlawag iti ili ni Jehova idi 1935, ken ania ti epekto dayta kadakuada?

• No nakapasiarkan iti daytoy a museum, ania ti nakitam a nangpabileg iti pammatim nga iwanwanwan ken salsalakniban ni Jehova ti ilina?