AGBALIN A MAS EPEKTIBO ITI MINISTERIO | NAYONAM TI RAGSAKMO ITI MINISTERIO
Tulongam Dagiti Iyad-adalam iti Biblia a Mangan iti Naespirituan a Taraon a Bukbukodda
Tapno mapennek ti naespirituan a kasapulan ken agmataengan iti naespirituan dagiti iyad-adalantayo iti Biblia, masapul a saan la a dagiti kinapudno nga isursurotayo ti maammuanda. (Mt 5:3; Heb 5:12–6:2) Masapul met a masursuroda ti mangan iti naespirituan a taraon a bukbukodda.
Iti damo pay laeng, ipakitam kadagiti iyad-adalam iti Biblia no kasano ti agsagana para iti panagadal iti Biblia, ken iparegtam nga aramidenda dayta. (mwb18.03 6) Paregtaem ida nga agkararag sakbay ti tunggal personal a panagadalda. Isurom ida no kasano a luktan ken usaren ti digital tools para iti panagadal. Ilawlawagmo no kasano a maammuan dagiti kabaruan iti jw.org ken JW Broadcasting®. In-inut nga isurom ida nga inaldaw nga agbasa iti Biblia, agsagana para kadagiti gimong, ken ag-research kadagiti sungbat ti saludsodda. Isurom ida a mangutob kadagiti maad-adalda.
BUYAEN TI VIDEO A TULONGAM DAGITI IYAD-ADALAM ITI BIBLIA A MANGAN ITI NAESPIRITUAN A TARAON A BUKBUKODDA, SA SUNGBATAN DAGITOY:
Kasano a tinulongan ni Neeta ni Jade tapno maammuanna a ti panagadal ket saan laeng a basta panangammo kadagiti sungbat?
Ania ti nakatulong ken Jade a mamati a husto ti panangiparit ni Jehova iti seksual nga immoralidad?
Isuroyo dagiti iyad-adalanyo no kasanoda a punnuen iti naespirituan ti panunot ken pusoda
Ania ti naamiris ni Jade maipapan iti panagutob?