Us-usarem Kadi ti Audio Recording ti Biblia?

Ania ti audio recording ti Biblia? Rekording dayta ti rebisado a New World Translation. In-inut a mairuruar dayta iti adu a lengguahe agingga a posible. Maysa kadagiti nagsayaat a feature dayta ket ti panagusarna iti nadumaduma a boses para iti tunggal karakter ti Biblia. Mabasa dagiti sasao babaen ti umiso a panangipaganetget ken emosion tapno mayallatiw a siuumiso ti mensahe ti Biblia.

Kasano a mabembenepisiaran ti dadduma iti audio recording ti Biblia? Magusgustuan ti adu a regular a dumdumngeg iti dayta ti nabiag a pannakaibasa ti Sao ti Dios. No mangngegda ti sabali a boses para iti tunggal karakter ti Biblia, ad-adda a maimadyinda dagiti pasamak ken nalawlawag ti pannakatarusda iti naisurat iti Biblia. (Pr 4:5) Adu met ti maliwliwa kadagiti pakadanaganda no dumngegda iti audio recording ti Biblia.—Sal 94:19.

Dakkel ti epekto kadatayo ti panagdengngegtayo iti pannakaibasa ti Sao ti Dios. (2Cr 34:19-21) No available ti audio recording ti Biblia iti lengguahe a matarusam, sumagmamano man a paset wenno ti intero a Biblia, mabalinmo nga iraman ti panagdengngeg iti dayta iti naespirituan a rutinam.

BUYAEN TI VIDEO A PANAGARAMID ITI AUDIO RECORDING TI BIBLIA—ABABA A PASET, SA SUNGBATAN DAYTOY:

Ania ti nagbilibam iti pannakaaramid ti audio recording ti Biblia?