Kanayon a Surotem ti Eskediulmo nga Agbasa iti Biblia iti Inaldaw

Gapu ta nagadu ti ar-aramidentayo, marigatanka kadi a mangbasa iti Sao ti Dios iti inaldaw? (Jos. 1:8) No wen, padasem dagitoy:

• Mangaramidka iti reminder. Mangyeskediulka iti alarm iti elektroniko a gadyetmo a mangipalagip kenka nga agbasakan iti Biblia.

• Ikabilmo ti Bibliam iti lugar a nalakam laeng a makita. No agus-usarka iti nayimprenta a kopia ti Biblia, ikabilmo dayta iti lugar a nalakam laeng a makita iti inaldaw.—Deut. 11:18.

• Denggem dagiti audio recording. Denggem dagita bayat nga ar-aramidem dagiti trabahom iti inaldaw. Imbaga ni Tara a maysa a payunir nga ina a pangrabii ti trabahona: “Dengdenggek dagiti audio ti Biblia bayat nga ar-aramidek dagiti trabahok iti balay. Gapu iti dayta, inaldaw a mabasbasak ti Biblia.”

• Saanka a sumuksuko. No adda saanmo a ninamnama a mapasamak ket saanmo a nasurot ti eskediulmo iti panagbasa, mabalinmo ti mangbasa iti sumagmamano a bersikulo ti Biblia sakbayka a maturog. Uray no sumagmamano laeng a bersikulo ti mabasam, dakkel ti maitulongna kenka.—1 Ped. 2:2.