Kokkinakis v. Greece: Droit réservé
Manipud makinngato a kannigid: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
PANAGBIAG KAS KRISTIANO
‘Idepensa ken Gun-oden ti Legal a Kalintegan a Mangikasaba iti Naimbag a Damag’
Idi pinadas dagiti bumusbusor a pasardengen dagiti Israelita iti panagibangonda manen iti templo, inkagumaan dagiti agibangbangon nga ilaban ti kalinteganda nga agibangon. (Esd 5:11-16) Kasta met ti ar-aramiden dagiti Kristiano ita a mangidepensa iti kalinteganda a mangikasaba iti naimbag a damag. (Fil 1:7) Gapu iti dayta, nabukel ti Legal Department iti sangalubongan a hedkuarter idi 1936. Ita, ti World Headquarters Legal Department ti mangyur-urnos iti pannakaidepensa ti interes ti Pagarian iti intero a lubong. Kasano a supsuportaran daytoy a departamento ti interes ti Pagarian ken ti pagsayaatan ti ili ti Dios?
BUYAEN TI VIDEO A TI AR-ARAMIDEN TI LEGAL DEPARTMENT ITI SANGALUBONGAN A HEDKUARTER, SA SUNGBATAN DAGITOY:
Ania dagiti legal nga isyu a nagproblemaan dagiti Saksi ni Jehova?
Ania dagiti kaso a nangabakantayo? Mangted iti pagarigan
Ania ti papel ti tunggal maysa iti ‘panangidepensa iti kalintegantayo a mangikasaba iti naimbag a damag’?
Sadino iti website-tayo ti pakasarakan kadagiti kaso iti korte a mangapektar iti ili ti Dios ken iti listaan dagiti Saksi ni Jehova a naibalud gapu iti pammatida?