Saludsod

◼ Ania ti aramidenyo no paritandakayo a mangasaba?

Adda dagiti agibumbunannag nga inasitgan ti polis bayat a mangaskasabada. Sigun iti polis, masapul nga isardengdan ti mangasaba ta maisalungasing dayta iti linteg. No papanawendakayo iti teritoriayo, madagdagus ken sidadayaw koma nga agpakadakayon. (Mat. 5:41; Fil. 4:5) Diyo koma ikagumaan a risuten dagiti bambanag babaen ti panangirupiryo iti kalintegantayo. No mabalin, sitataktika a damagenyo iti polis no ania ti numero ti badge ken ti presintona. Kalpasanna, ibagayo a dagus dayta kadagiti panglakayen tapno maipakaammoda iti sanga nga opisina. Umasping iti dayta, no papanawendakayo ti katalek wenno ti sabali pay nga empleado iti apartment, pumanawkayo a dagus ken ipakaammoyo dayta kadagiti panglakayen. Ti naalumamay ken napakumbaba a kababalinyo kadagiti autoridad ket dakkel ti maaramidanna tapno maliklikanyo dagiti problema.—Prov. 15:1; Roma 12:18.