Panunotem Manen Dagiti Kangrunaan a Punto

Marigatanka kadi a manglagip kadagiti kaad-adalmo? No dadduma, mapasamak dayta kadatayo amin. Ania ti makatulong? Panunotem manen dagiti kangrunaan a punto.

Bayat nga agad-adalka, pasaray sumardengka tapno panunotem dagiti kangrunaan a punto. Kastoy ti imbaga ni apostol Pablo tapno matulonganna dagiti kakabsat a mangtarus iti suratna: “Daytoy ti kangrunaan a punto.” (Heb. 8:1) Iti kasta, tinulonganna ida a mangtarus iti kayatna a sawen ken no kasano nga agkokonektar ti amin nga imbagana iti temana.

Kada malpas ti panagadalmo, mangiwayaka iti tiempo, nalabit 10 a minuto, tapno panunotem dagiti napateg a punto iti inadalmo. No saanmo a dagus a malagip, kitaem manen dagiti subtema wenno basaem ti umuna a sentensia iti tunggal parapo tapno malagipmo. No adda baro a nasursurom, padasem nga ilawlawag dagita iti bukodmo a sasao. No panunotem manen dagiti kangrunaan a punto, nalaklakam a malagip dagita. Maawatamto met a naimbag no kasano a mayaplikarmo iti biagmo dagiti nasursurom.