Dagiti Tampok iti Napalabas a Tawen

Impaipadto ni Jehova a Dios ken propeta Isaias: “Imbes a ti gambang mangyegakto iti balitok, ket imbes a ti landok mangyegakto iti pirak, ket imbes a ti kayo, gambang, ket imbes a ti batbato, landok.” (Isa. 60:17) Kadagiti naglabas a tawen, nakitatayo ti nalawag nga ebidensia a matungtungpal pay laeng daytoy a padto. Makita ti panagrang-ay no masukatan ti nababbaba ti kalidadna a material iti nangatngato ti kalidadna. Kasta met, tagtagiragsaken dagiti Saksi ni Jehova ti panagrang-ay kadagiti urnos ti organisasionda bayat ti panawen ti panungpalan.—Mat. 24:3.